Բուհերի ուսանողների համար ստեղծվում է ուսման վարձն ամսական կտրվածքով վճարելու հնարավորություն
Հայաստանի բարձրագույն ուսումնական հաստատությունների ուսանողների համար ուսման վարձի ամսական վճարելու մեխանիզմներ են ստեղծվում: ՀՀ ԱԺ գիտության, կրթության, մշակույթի, երիտասարդության եւ սպորտի հարցերի մշտական հանձնաժողովը հավանություն տվեց «Կրթության մասին» ՀՀ օրենքում փոփոխություն կատարելու մասին» ՀՀ օրենքի նախագծին:
Նոյեմբերի 6-ին ԱԺ հանձնաժողովի կողմից հավանություն ստանալուց հետո նախագիծը ներառվելու է ազգային ժողովի հաջորդ լիագումար նիստի օրակարգում:
«Խնդիրը բարձրացրել են բազմաթիվ ուսանողներ հանդիպումների ժամանակ, նաև նամակներով: Վճարովի համակարգում սովորող շատ ուսանողներ դժվարանում են վճարել վարձն ամբողջությամբ միանվագ կամ կիսամյակը մեկ: Փոփոխությամբ օրենքն իմպերատիվ պահանջով հնարավորություն է տալու ուսանողներին տարաժամկետելու ուսման վարձը, վճարելու ամսական կտրվածքով»,-ասաց նիստը նախագահող ԱԺ պատգամավոր Տիգրան Ուրիխանյանը:
Նա առաջարկեց որպես պարտադիր պահանջ սահմանել բարձրագույն ուսումնական հաստատություններում ուսման վարձի եռամսյակային և ամսական վճարման հնարավորությունը:
ՀՀ կրթության և գիտության փոխնախարար Հովհաննես Հովհաննիսյանը նշեց, որ առաջարկը ստացել են և քննարկել բուհերի ներկայացուցիչների հետ: «Եռամսյակային կտրվածքով ուսման վարձ մուծելն այնքան էլ նպատակահարմար չեն համարել ֆինանսական բարդություններից խուսափելու համար: Ամսական կտրվածքով վճարելու պրակտիկան կիրառվում է: Վճարելու դժվարություն ունեցող ուսանողները, ովքեր դիմել են կառավարություն, մերժում չեն ստացել, կից գրությամբ ուղարկել ենք բուհերին, ընդառաջել են ամսական կտրվածքով վճարելու համար: Քանի որ օրենքում կա այդ դրույթը, որով բարձրագույն ուսումնական հաստատությունները սահմանում են ուսման վարձի ամսական վճարման մեխանիզմներ, մենք կարծում ենք, որ որևէ խնդիր չկա, որ այն ներառվի ավելի իմպերատիվ բնույթ ունեցող նորմի տեսքով»,-նշեց փոխնախարարը:
Հանձնաժողովը միաձայն դրական եզրակացություն տվեց նախագիծը հաջորդ քառօրյա նիստի օրակարգ ներառելու համար:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...