Գերմանացի թյուներները Rolls-Royce Cullinan-ը վերածել են զրահապատ լիմուզինի (լուսանկարներ)

Գերմանական Klassen ընկերությունը, որը մասնագիտանում է պրեմիում դասի մեքենաների կատարելագործման ոլորտում, ներկայացրել է իր նոր նախագիծը՝ զրահապատ լիմուզին՝ Rolls-Royce Cullinan մոդելի հիման վրա:

Ինչպես ներկայացնում է Motor.ru-ն, 1.8 մլն եվրոյի դիմաց ընկերությունը պատրաստ է ձևափոխել մեքենան՝ այն երկարացնելով 3 մետրով և ուժեղացնելով պաշտպանական գործառույթները, որի շնորհիվ այն կդիմակայի Կալաշնիկով հրացանից և դիպուկահարի հրացանից արձակված կրակահերթին:

Սովորական Rolls-Royce Cullinan-ի երկարությունը կազմում է 5341 մմ, իսկ փոփոխություններից հետո կկազմի 6357 մմ: Մեքենան առաջարկվում է համալրել հետևի ուղևորատար բաժինն առանձնացնող հավելյալ ցանկապատով, Apple iMac-ի հիման վրա գործող մուլտիմեդիա համակարգով, Bang & Olufsen աուդիոհամակարգով և զրահապատ պանորամային տանիքով:

Մեքենայի տեխնիկական հատկություններն անփոփոխ են մնում. այն զինված կլինի 6.75 լիտր ծավալային V12 երկտուրբո շարժիչով, որի հզորությունը 571 ձիաուժ է: Այն կաշխատի 8 աստիճան ավտոմատ փոխանցման տուփով: