Երկրաշարժից և ցունամիից տուժած Ինդոնեզիան միջազգային օգնություն է խնդրում

Ինդոնեզիան այսօր հայտարարել է, որ միջազգային օգնություն է խնդրում փրկարարական աշխատանքների ու երկրաշարժից և ցունամիից տուժածներին օգնություն հասցնելու համար։

Սեպտեմբերի 28-ին Սուլավեսի կղզում տեղի ունեցած 7.5 բալլ ուժգնությամբ երկրաշարժի և ուժեղ ցունամիի հետևանքով առնվազն 832 մարդ է մահացել:

Նախագահ Ջոկո Վիդոդոն ասել է, որ փրկարարները շատ շտապ ծանր տեխնիկա են պահանջում, որպեսզի դուրս բերեն մարդկանց փլատակներից։

Նա նաև հայտարարել է, որ կա վառելիքի, էլեկտրաէներգիայի և սննդի պակաս, քանի որ շատ խանութներ աղետի հետևանքով փակվել են: