12 պարզ կանոն ճապոնացիներից՝ երկարակեցության աշխարհի չեմպիոններից

Ճապոնացիների ու ճապոնուհիների կյանքի տևողությունը վերջին 10 տարիներին աշխարհում ամենաերկարն է ու շարունակում է երկարել։

Ճապոնիան դարձել է անմահ կանանց երկիրը։ «Ասոշիեյթեդ պրես» գործակալության՝ 2004թ. հրապարակած տվյալներով՝ ճապոնացիները երկարակեցության աշխարհի նոր ռեկորդ են սահմանել՝ արդեն 12-րդ տարին պահպանելով առաջին տեղը։ Ուշադրություն դարձնենք Առողջապահության համաշխարհային կազմակերպության վերջին տվյալներին՝

Կյանքի միջին տևողությունը

Ճապոնիա – կանայք՝ 85, տղամարդիկ՝ 78։ Երկու սեռերը միասին՝ 82

Իտալիա – կանայք՝ 84, տղամարդիկ՝ 78։ Երկու սեռերը միասին՝ 81

Ավստրալիա, Շվեդիա, Շվեյցարիա – կանայք՝ 83, տղամարդիկ՝ 78։ Երկու սեռերը միասին՝ 81

Ֆրանսիա – կանայք՝ 84, տղամարդիկ՝ 76։ Երկու սեռերը միասին՝ 80

Իսպանիա – կանայք՝ 83, տղամարդիկ՝ 76։ Երկու սեռերը միասին՝ 80

Կանադա, Իսլանդիա, Իսրայել, Սինգապուր – կանայք՝ 82, տղամարդիկ՝ 78։ Երկու սեռերը միասին՝ 80

Նոր Զելանդիա, Նորվեգիա – կանայք՝ 82, տղամարդիկ՝ 77։ Երկու սեռերը միասին՝ 79

Ավստրիա, Գերմանիա, Լյուքսեմբուրգ – կանայք՝ 82, տղամարդիկ՝ 76։ Երկու սեռերը միասին՝ 79

Բելգիա, Ֆինլանդիա – կանայք՝ 82, տղամարդիկ՝ 75։ Երկու սեռերը միասին՝ 79

Հունաստան, Մալթա, Նիդեռլանդներ, Մեծ Բրիտանիա – կանայք՝ 81, տղամարդիկ՝ 76։ Երկու սեռերը միասին՝ 79

Կիպրոս, Իռլանդիա – կանայք՝ 81, տղամարդիկ՝ 76։ Երկու սեռերը միասին՝ 78

ԱՄՆ – կանայք՝ 80, տղամարդիկ՝ 75։ Երկու սեռերը միասին՝ 77

12 պարզ խորհուրդ՝ Տոկիոյից

1. Կերեք այնքան, քանի դեռ 80 %-ով չեք հագեցել։

2. Հետևեք չափաբաժինների քանակին։ Քիչ քանակի կերակուր դրեք գեղեցիկ ափսեի մեջ։

3. Մանրամասն, հանգամանորեն ծամեք կերակուրը՝ լավ յուրացնելով յուրաքանչյուր կտորը։

4. Մինչև ուտելուն անցնելը վայելեք դրա ձևավորումը։

5. Շատ ձուկ, թարմ մրգեր ու բանջարեղեն կերեք, ու քիչ՝ հագեցած ճարպեր։

6. Պատրաստեք բրնձի թեփից ստացվող ձեթով։

7. Ձեզ սովորեցրեք ճապոնական առույգացնող նախաճաշին՝ միսո-ապուր բանջարեղենով, ձվով և տոֆուով։

8. Հիմնական կերակրատեսակ համարեք բանջարեղենը, իսկ կարմիր միսը՝ լրացում կամ հազվադեպ բացառություն։

9. Հացի, ալադիների ու բուլկիների փոխարեն՝ մի ափսե կլոր սպիտակ կամ շագանակագույն բրինձ կերեք։

10. Քաղցր գազավորված ըմպելիքի փոխարեն՝ խմեք սառը ճապոնական թեյ՝ առանց շաքարի։

11. Հնարավորինս շատ քայլեք։

12. Մի մոռացեք, որ կերակուրի նկատմամբ սերն առողջ ապրելակերպի կարևոր բաղկացուցիչներից է, ու կերակուր պատրաստելու գործընթացն ու դրան հաջորդող ճաշը պետք է հաճույք պատճառեն։

Ուիլյամ Դոյլի «Ճապոնուհիները չեն ծերանում ու չեն գիրանում» գրքից։

Նյութը հրապարակման պատրաստեց Սոֆա Պետրոսյանը

https://168.am