Դեպրեսիան բացասաբար է ազդում մարդու ուղեղի վրա
Դեպրեսիան բացասաբար է ազդում մարդու ուղեղի վրա: Նման եզրակացության են հանգել Լեյպցիգի Մաքս Պլանկի Նեյրոկենսաբանության եւ կոգնիտիվ գիտությունների ինստիտուտի մասնագետները:
Հետազոտությանը ներգրավվել է 84 մարդ, որոնք նախօրոք անցել են տրամադրության եւ սթրեսի մեջ գտնվելու ժամանակահատվածի որոշման թեստավորում: Ստացած տվյալներից ելնելով՝ որոշվել են առավել դեպրեսիվ կամավորները: Այս փորձարկվողներին կատարվել է գլխուղեղի մագնիսառեզոնանսային տոմոգրաֆիա:
Պարզվել է, որ դեպրեսիայի արտահայտված ախտանիշներով մարդկանց մոտ հիպոթալամուսի ձախ կողմն իր չափերով գերազանցում է առողջ մարդու միջին ցուցանիշները: Հիպոթալամուսը միջին (միջանկյալ) ուղեղի մի հատվածն է, այն պատասխանատու է գլխուղեղի կեղեւից ռեցեպտորներին նյարդային իմպուլսների փոխանցման համար:
Գիտնականները նշել են, որ հիպոթալամուսի մեծացած հատվածով մարդկանց մոտ այդպիսի կարգավորման մեխանիզմները խախտվում են, ինչի հետեւանքով լրջորեն վատթարանում են կենցաղային սովորական խնդիրները լուծելու նրանց ունակությունները եւ նվազում է վերլուծելու ընդունակության մակարդակը:
Գիտնականները նշում են, որ դեպրեսիվ հիվանդների հիպոթալամուսի ձախ հատվածը 5 տոկոսով ավելի մեծ է, քան առողջ մարդկանց մոտ է: Ընդ որում՝ հիպոթալամուսը զգալիորեն մեծացել է դեպրեսիայի ծանր ձեւերի դեպքում: Այսպիսով, սթրեսի եւ դեպրեսիայի պայմաններում մարդու ուղեղը, փաստորեն, մաշվում է:
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Հայաստանում 2025 թվականի ընթացքում արտադրված էլեկտրաէներգիայի 14%-ը բաժին է հասնում արևային կայաններ...
Իրանի հարստացված ուրանի պաշարները միջուկային օբյեկտների փլատակներում են
Իրանի հանգուցյալ գերագույն առաջնորդի կինը ողջ է