Պակիստանում 140 մլն դոլարի կեղծ դիպլոմներ վաճառած ընկերության ղեկավարը կալանավորվել է

Պակիստանում ողջ աշխարհով 140 մլն դոլարի կեղծ համալսարանական աստիճաններ վաճառած ընկերության ղեկավարը կալանավորվել է դատավճռի հրապարակումից մի քանի շաբաթ անց, հաղորդում է Reuters-ը:

Շոաիբ Շեյխը՝ Axact ընկերության ղեկավարը, հուլիսին Իսլամաբադի դատարանի կողմից դատապարտվել էր 20 տարվա ազատազրկման, բայց նրան հաջողվել էր փախչել:

2015-ին այս գործի մասին գրել էր New York Times-ը: Պարզվել է, որ Axact-ը ղեկավարում է կեղծ առցանց համալսարանների ցանց, որոնք շահարկում են հաճախորդներին եւ տարեկան տասնյակ միլիոնավոր դոլարների եկամուտներ ստանում` վաճառելով կեղծ դիպլոմներ: