Իրանում վերջին հրաժեշտն են տալիս շաբաթօրյա ահաբեկչության տասնյակ զոհերին

Այսօր հազարավոր մարդիկ էին հավաքվել Իրանի հարավում գտնվող Ահվազ քաղաքում` հարգանքի տուրք մատուցելով շաբաթ օրը ռազմական շքերթի ընթացքում իրականացված ահաբեկչական հարձակման զոհերի հիշատակին:

Սեպտեմբերի 22-ին Իրաքի սահմանից ոչ հեռու գտնվող այս քաղաքում տեղի ունեցած ահաբեկչական հարձակման 25 զոհերի հուղարկավորությանը մասնակցում էին ռազմական և կրոնական գործիչներ, քաղաքի հազարավոր բնակիչներ: Կենտրոնական կառավարության որոշմամբ Խուզեստան նահանգում սգո օր է հայտարարված:

Հարձակումը տեղի ունեցավ շաբաթ կեսօրին, երբ կեղծ զինվորական համազգեստ կրող զինյալներն անկանոն կրակ բացեցին Ահվազում կազմակերպված ռազմական շքերթի մասնակիցների և հանդիսատեսների ուղղությամբ:

Պաշտոնական Թեհրանի պնդմամբ՝ հարձակմանը հաջորդած փոխհրաձգության ընթացքում բոլոր չորս զինյալները սպանվել են:

Այս թեմայով Իրանը պնդում է, որ հրթիռների պակաս չունի Իրանը իր կարողությունների միայն մի փոքր մասն է օգտագործել՝ ի պատասխան Իսրայելի հարձակումների․ Արաղչի Կատարը Իրանի էներգետիկ օբյեկտների վրա հարվածները որակել է «վտանգավոր և անպատասխանատու» Արաղչի. Իրանը կպատերազմի մինչև Թրամփը հասկանա, որ պատերազմ սկսելը սխալ էր Իրանի Կարմիր մահիկի ընկերությունը հայտնել է երկրում ավելի քան 54 հազար բնակարանի ոչնչացման մասին