Թուրքիայում վերջին 5 տարում բռնության է ենթարկվել շուրջ 60.000 բուժաշխատող

Թուրքիայում վերջին 5 տարում բռնության է ենթարկվել շուրջ 60.000 բուժաշխատող: Այդ մասին գրում է թուրքական İHA գործակալությունը՝ հղում անելով երկրի առողջապահության նախարարության տրամադրած տվյալներին։

Նշվում է, որ 42.000 բուժաշխատող վերջին 5 տարում պարբերաբար ճնշման է ենթարկվել «բանավոր բռնության» հետևանքով՝ անձնական վիրավորանքների ու սպառնալիքների տեսքով։ Եվս 18.000 բուժաշխատող ենթարկվել է ֆիզիկական բռնության։

Ներկայացված տվյալները փաստում են, որ բուժաշխատողները հիմնականում բռնության են ենթարկվել տարածքային պոլիկլինիկաներում և շտապօգնության ծառայություն իրականացնելիս։

Բուժաշխատողների իրավունքներով զբաղվող «Առողջությունը դու ես» միության՝ Անթալիայի մասնաճյուղի ղեկավար Սինան Քուլուօզթյուրքը լրատվամիջոցի հետ զրույցում ընդգծել է, որ նախարարության ներկայացրածը միայն պաշտոնական տվյալներն են, մինչդեռ բռնության ենթարկված բուժաշխատողների թիվը Թուրքիայում իրականում շատ ավելին է։

Հիշեցնենք, որ ամիսներ առաջ Թուրքիայում ինքնասպանության էր դիմել երիտասարդ բուժքույր՝ հրաժեշտի նամակում խոստովանելով, որ այլևս չի կարող դիմանալ խիստ ծանրաբեռնված աշխատանքյաին գրաֆիկին։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով