«Ռեալը» հաղթեց, իսկ «Յուվենտուսը» հաղթեց տասը հոգով

Ֆուտբոլի Չեմպիոնների լիգայի խմբային մրցաշարի առաջին տուրում կայացան նաեւ E-ից H խմբերում ընդգրկված թիմերի հանդիպումները:

E խումբ

«Այաքսը» խոշոր՝ 3:0 հաշվով հաղթեց հունական ԱԷԿ-ին, իսկ «Բենֆիկան» Լիսաբոնում 2:0 հաշվով պարտվեց Մյունխենի «Բավարիային»:

F խումբ

Դոնեցկի «Շախտյորը» Խարկովում դրամատիկ խաղում 2:2 հաշվով ավարտեց հանդիպումը «Հեֆենհայմի» հետ, իսկ «Մանչեսթեր Սիթին» սեփական դաշտում 2:1 հաշվով անակնկալ պարտություն կրեց ֆրանսիական «Լիոնից»:

G խումբ

Մադրիդի «Ռեալը» մեծ առավելություն ուներ «Ռոմայի» նկատմամբ եւ 3:0 հաշվով վստահ հաղթանակ տարավ: Գոլերը խփեցին Իսկոն, Բեյլը եւ Դիասը: Պլզենի «Վիկտորիան» առաջին խաղակեսից հետո 2:0 հաշվով հաղթում էր ԲԿՄԱ-ին, բայց խաղն ավարտվեց 2:2 հաշվով:

H խումբ

«Վալենսիան» Իսպանիայում 2:0 հաշվով պարտվեց «Յուվենտուսից», թեեւ 29-րդ րոպեից հյուրերը խաղում էին տասը հոգով. հեռացվել էր Ռոնալդուն: «Յանգ Բոյզն» էլ կրկին սեփական դաշտում 3:0 հաշվով պարտվեց «Մանչեսթեր Յունայթեդին»:

Top-News.am