Թուրքիայում նամազ անելու դիմաց երեխաներին հեծանիվ են նվիրում

Թուրքիայի Կոնիա քաղաքի քաղաքապետը, որն իշխող «Արդարություն և զարգացում» կուսակցության անդամ է, հեծանիվներ է նվիրում երեխաներին, ովքեր առնվազն 40 անգամ կայցելեն մզկիթ՝ նամազ անելու, գրում է թուրքական «Սյոզջու» պարբերականը։

Իրավիճակը բացահայտվել է անանուն նամակի միջոցով, որն ուղղվել է լրատվամիջոցներին։
Լրագրողները, հենվելով նամակում ներկայացված փաստերի վրա, առանձին ուսումնասիրություն են անցկացրել ու պարզել, որ ահազանգը ոչ միայն ճիշտ է, այլև ավելին՝ մինչ այս պահը Կոնիայի քաղաքապետարանն արդեն հասցրել է 7.459 հեծանիվ բաժանել։

Նամակի հեղինակը հատկապես գանգատվել է, որ քաղաքապետարանի բյուջեից, որը կազմվում է քաղաքացիների վճարած հարկերով, հեծանիվներ են բաժանում աղքատ ընտանիքների երեխաներին՝ նրանց կրոնամոլ դարձնելու նպատակով։

«Ես՝ որպես 15 ամիս այս երկրի բանակում 15 լիրա թոշակով ծառայած թուրք քաղաքացի. իմ վճարած հարկն այսպիսի ղեկավարներին արժան չեմ համարում», - եզրափակել է նամակի հեղինակը։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով