Թուրք լրագրողը ստիպված կլինի բացատրություն տալ դատարանին «Բոլորս Հրանտ ենք, բոլորս հայ ենք» գրությամբ պաստառի համար

Թուրք լրագրող Սիբել Հյուրթաշը, որն իր մի շարք հրապարակումներում ու հոդվածներում երկրի իշխանություններին քննադատելու համար ձերբակալվել էր այս տարվա հունվարին, դատարանում ստիպված կլինի նաև բացատրություն տալ պոլսահայ լրագրող և մտավորական Հրանտ Դինքի հիշատակի միջոցառումներին «Բոլորս Հրանտ ենք, բոլորս հայ ենք» գրությամբ պաստառն օգտագործելու համար։

Ինչպես փոխանցում է «Ակօս»-ը, լրագրողն Անկարայում կայացած հիշատակի միջոցառման ժամանակ պաստառը տվել է 1-ամյա որդու ձեռքը, այդ ընթացում արված լուսանկարը հայտնվել է իրավապահների ուշադրության կենտրոնում և տեղ գտել լրագրողի դեմ հարուցված դատական գործի մեղադրանքում։

Հայտնի է, որ մի շարք քննադատական հրապարակախոսությունների համար Հյուրթաշին ու իր գործընկեր Հայրի Դեմիրին մեղադրանք է առաջադրվել ահաբեկչամետ քարոզչություն իրականացնելու, ժողովրդին ատելության դրդելու մասին հոդվածներով։ Նրանց սպառնում է նվազագույնը 10 տարվա ազատազրկում։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով