Ռուսաստանը լուրջ քայլեր է ձեռնարկում ԼՂ հակամարտության կարգավորման ուղղությամբ. Մամեդյարով
Ռուսաստանը լուրջ քայլեր է ձեռնարկում Լեռնային Ղարաբաղում իրավիճակի կարգավորման ուղղությամբ: Այդ մասին հայտարարել է Ադրբեջանի արտգործնախարար Էլմար Մամեդյարովը, գրում է «ՌԻԱ Նովոստի»-ն:
Նա նշել է, որ ամենալուրջ խնդիրներից մեկը, որին բախվում է Բաքուն, հակամարտության կարգավորումն է:
«Ռուսաստանը շատ լուրջ քայլեր է ձեռնարկում: Մենք այսօր մանրամասն քննարկել ենք դա»,- ասել է Մամեդյարովը՝ Ռուսաստանի արտգործնախարար Սերգեյ Լավրովի հետ բանակցությունների արդյունքներով:
«Ամեն դեպքում ես այսօր զգացի Սերգեյ Լավրովի տրամադրվածությունը, երբ մենք մանրամասն քննարկում էինք, թե որ ուղղությամբ պետք է շարժվենք, շատ, թե քիչ՝ կան որոշակի հեռանկարներ»,- ասել է Մամեդյարովը:
Ըստ նրա՝ ամեն ինչ կախված է ոչ միայն Ադրբեջանից, այլև Ռուսաստանից՝ որպես համանախագահ: «Իհարկե, մեծ դեր այստեղ պետք է խաղա նաև հայկական կողմն այժմ սեղանին դրված առաջարկներն ընդունելու համար»,- հավելել է ադրբեջանցի նախարարը:
Ավելի վաղ հաղորդվել է, որ Ռուսաստանի արտգործնախարար Սերգեյ Լավրովը Մոսկվայում իր ադրբեջանցի գործընկեր Էլմար Մամեդյարովի հետ բանակցությունների արդյունքներով մամուլի ասուլիսի ժամանակ հայտարարել է, որ Ադրբեջանը Ռուսաստանի կարևոր ռազմավարական գործընկերն է, երկու երկրների դիրքորոշումները համընկնում են մի շարք կարևոր հարցերի շուրջ:
«Իմ գործընկերոջ և ընկերոջ՝ նախարար Մամեդյարովի հետ բանակցությունները կառուցողական են անցել, մենք քննարկել ենք առաջիկա շփումների ժամանակացույցը, այդ թվում՝ բարձր մակարդակով»,- ասել է Լավրովը՝ հավելելով, որ նախարարները քննարկել են նաև տնտեսական ոլորտում իրավիճակը:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Փոխվարչապետ Մհեր Գրիգորյանի և ԵՄ ընդլայնման հարցերի հանձնակատար Մարթա Կոսի հայտարարությունները
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Պատրաստվելով Օմանում մեր դեսպանության բացմանը. Կադրից դուրս
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել