Երկարատեւ ամուսնության գաղտնիքը միմյանց կողքին առավելագույնս բնական լինելն է
Առաջին անգամ ամուսնացա, երբ դեռ շատ երիտասարդ էի, իսկ երկրորդ անգամ, երբ շատ հիմար էի։ Այս մասին Maximonline-ին տված հարցազրույցում պատմել է հայազգի երգիչ, ֆրանսիական շանսոնյե Շարլ Ազնավուրը՝ պատասխանելով հարցին, թե ինչպես է իրեն հաջողվել մեկ կնոջ հետ ապրել կես դարից ավելի։
«Երրորդ անգամ ես վերջապես ամուսնացա նրա հետ, ում մասին միշտ երազել էի՝ բաց գույնի աչքերով ու մետաքսե մաշկով շիկահերի հետ։ Բացի այդ, Ուլլան փոքր է ինձանից 17 տարով։ Հրաշալի տարիքային տարբերություն է իմ կարծիքով։ Իսկ ընդհանրապես, երկարատեւ ամուսնության գաղտնիքը միմյանց կողքին առավելագույնս բնական լինելն է եւ ասելը այն, ինչ իսկապես ցանկանում ես ասել։ Չնայած հիմա ես բոլորին էլ ճշմարտությունն եմ ասում։ Կարող եմ ինձ թույլ տալ այս տարիքում, հիմա ես «սուրբ կով եմ»,-նշել է շանսոնյեն։
Հարցին՝ ե՞րբ է նա կնոջ նկատմամբ տածած սիրո մասին երգեր գրում, եւ ինչ-որ կոնկրետ կնոջ մասին է գրո՞ւմ, որին Ազնավուրը պատասխանել է, որ երբեք ինչ-որ կոնկրետ կնոջ համար երգ չի գրել․ «Հիշում եմ, երբ ծնվեց առաջին դուստրս, ես երգ գրեցի «Իմ աղջկան» վերնագրով, երբ ծնվեց երկրորդ դուստրս, մարդիկ սկսեցին հարցնել, թե նրա համար եւս երգ չեմ գրելո՞ւ, ստիպված էի պատասխանել․ «Լսե՛ք, նրանց երկուսին մեկ երգը լրիվ բավական է։ Ինչո՞ւ կոնկրետ կնոջ համար երգ գրել։ Գուցե միանգամից դաջվածք էլ անե՞մ։
Ընդհանրապես, ես կնախընտրեի, որ ինձ հիշեին ոչ թե որպես սիրային երգերի հեղինակ, այլ խելացի երգերի հեղինակ։ Այդ «ես սիրում եմ քեզ, դու՝ ինձ», «արյուն-սեր», այդ բոլոր ռիթմերը իրենց սպառել են։ Ինձ դուր է գալիս յուրահատուկ լուծումներ գտնել։ Այդ պատճառով ես երբեմն տարօրինակ բառեր եմ օգտագործում՝ ինչպես «ցելյուլիտ» կամ «թեւատակ»։ Ես սիրում եմ քո թեւատակերի հոտը։ Կինս հայտարարեց․ «Դու չես կարող նման երգ ստեղծագործել»։ Իսկ ես ցանկանում եմ կյանքի ճշմարտությունը բացել։ Հենց ճշմարտությունն է հուզում մարդկանց»,-հավելել է նա։
ՀՀ տարածքում Ադրբեջանի ԶՈՒ դիրք չի կառուցվել. ՊՆ մամուլի խոսնակ
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Մեկ հպումով հնարավոր կլինի արգելափակել առցանց եղանակով իրականացվող ֆինանսական գործառնությունները
Իրանի հանգուցյալ գերագույն առաջնորդի կինը ողջ է
Իրանի հավաքականները կարող են որակազրկվել և հեռացվել ՖԻՖԱ-ի բոլոր հետագա մրցաշարերից