Թուրքիայի հյուսիս-արևմուտքում խոշոր հրդեհ է բռնկվել, բնակիչներին տարհանում են

Թուրքիայի հյուսիս-արևմուտքում գտնվող Չանաքքալե քաղաքում խոշոր հրդեհ է բռնկվել, տեղի իշխանությունները սկսել են բնակչության տարհանումը, գրում է demokrathaber.org կայքը։

Նշվում է, որ հրդեհը բռնկվել է քաղաքի հին հիվանդանոցի շենքին մոտ խոտածածկ տարածքում և քամու պատճառով արագ տարածվել։ Հրդեհի մարման աշխատանքներին միացել է ուղղաթիռ։

Աղբյուրը հայտնում է, որ փրկարարները դժվարությամբ կարողացել են վերահսկողության տակ առնել իրավիճակը։ Քաղաքում առաջացած խիտ ծխի պատճառով բնակիչներին խորհուրդ է տրվել դուրս չգալ տնից։

Տուժածների մասին առայժմ տեղեկություններ չեն հաղորդվում։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով