Բնակարանների գները Հայաստանում. դոլարով նվազում՝ ռուբլով բարձրացման դիմաց
Բնակարանների շուկայական գների մասին հունվարի պաշտոնական տեղեկատվությունը միանգամայն կանխատեսելի էր: Այն իմաստով, որ մեկ տարվա ընթացքում կտրուկ տեղաշարժեր չեն եղել: Օրինակ, ըստ մայրաքաղաքի վարչական շրջանների՝ փոփոխությունները տատանվել են 0.4%-ի աճից (Նուբարաշեն) մինչեւ 1.0%-ով անկում (Էրեբունի): Նկատենք, որ նույն տարվա ընթացքում դոլարը գրեթե նույն մակարդակի վրա է մնացել՝ 0.01%-անոց խորհրդանշական անկմամբ:
Ավելի երկար ժամանակահատվածում նույնպես պաշտոնական տվյալներում լուրջ տեղաշարժեր չեն եղել: Բայց մի շարք ցուցանիշներում զգալի փոփոխություններ կան: Ասենք՝ 2014 թվականի հունվարից Հայաստանում դոլարի փոխարժեքն ամրապնդվել է 1.2 անգամ:
Հայաստանում ֆիզիկական անձանց դրամական փոխանցումների հոսքը (դոլարով) զգալիորեն կրճատվել է, ինչն ազդել է հասարակության մի մասի կենսամակարդակի վրա: Վերջին երեք տարիների ընթացքում մշտական բնակչության թիվը կրճատվել է ավելի քան 30 հազարով: Միաժամանակ, հաշվի առնելով բնական աճը, արտագաղթի հետեւանքով մշտական բնակչության թվի կրճատումը զգալիորեն ավելի է եղել: Հասկանալի է, որ այս գործոններն օբյեկտիվորեն խոչընդոտում են անշարժ գույքի գների աճին:
Ավելի լիարժեք պատկեր ստանալու համար դրամով պաշտոնական միջին գները ներկայացնենք դոլարով, ինչպես նաեւ ռուսական ռուբլով (տվյալները 2014-2017 թվականների դրությամբ են): Դրամական արտահայտությամբ գներում ոչ զգալի տեղաշարժի պայմաններում դոլարի ամրապնդումը հանգեցրել է այդ արժույթով բնակարանների արժեքի նվազման: Իսկ ահա ռուսական ռուբլով հակառակ պատկերն է:
Նույն ժամանակահատվածում Հայաստանում ռուբլին թուլացավ գրեթե մեկուկես անգամ, ինչի հետեւանքով այդ արժույթով հաշվարկային գները զգալիորեն բարձրացան: Նկատենք, որ ռուբլով գների ամենաբարձր մակարդակն արձանագրվել է անցյալ տարվա հունվարին: Բանն այն է, որ այդ ժամանակ ռուբլու փոխարժեքը նվազագույնն էր՝ 6.24 դրամ: Այնուհետեւ տարվա ընթացքում ռուբլին 1.3 անգամ ամրապնդեց դիրքերը՝ այս տարվա հունվարին հասնելով 8.15 դրամի:
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Պետական արգելոցի ֆոտոթակարդները կրկին նկարահանել են կովկասյան ընձառյուծին