Թուրքական լիրայի արժեզրկման համար ընդդիմությունը մեղադրում է Էրդողանի փեսային

Թուրքական լիրան արժեզրկվում է, ընդդիմությունը մեղադրում է Էրդողանի փեսային
Թուրքիայի և ԱՄՆ-ի միջև շարունակվող լարվածության պայմաններում թուրքական ազգային արժույթը շարունակում է արագ տեմպերով արժեզրկվել:

Թուրքական լրատվամիջոցները մեկը մյուսի ետևից արձանագրում են արժեզրկման նոր ռեկորդային ցուցանիշները:

Թուրքիայի ֆինանսների և գանձապետարանի նախարար Բերաթ Ալբայրաքը պատրաստվում է հանդես գալ հայտարարությամբ Թուրքիայի կառավարության կողմից որդեգրված տնտեսության նոր մոդելի վերաբերյալ: Իսկ թուրքական լիրան չի դադարում արժեզրկվել և օգոստոսի 10-ի առավոտյան 1 դոլարն արժեր 6.30 թուրքական լիրա, իսկ մեկ եվրոն՝ 7 թուրքական լիրա:

Այս կապակցությամբ Թուրքիայի ընդդիմադիր գործիչ, նախագահական և խորհրդարանական ընտրություններում գլխավոր ընդդիմադիր թեկնածու Մուհարրեմ Ինջեն հանդես է եկել չորս կետից բաղկացած կոչով՝ ուղղված նախագահ Էրդողանին:

Ինջեն մասնավորապես ասել է. «Ես արդեն ոչ թե խորհուրդ եմ տալիս, այլ աղաչում եմ՝

1. Ձեր փեսայի գլխավորությամբ հեռացրեք Ձեր բոլոր տնտեսական խորհրդականներին,

2. Մի միջամտեք կենտրոնական բանկին

3. Հետաձգեք «Kanal İstanbul» (Ստամբուլի ջրանցք) և առաջնայնություն չունեցող նմանատիպ նախագծերը:

4. Հայտարարեք այն մասին, որ չի լինելու արտարժույթի փոխանակման վերահսկողություն և ներդրումների անվտանգությունը մեր առաջնայնություններից է»

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով