Ռոհանին համաձայնել է խորհրդարանում պատասխանել Իրանի տնտեսության խնդիրներին վերաբերող հարցերին

Իրանի նախագահ Հասան Ռոհանին կպատասխանի պետության տնտեսական խնդիրների վերաբերյալ Մեջլիսի (խորհրդարանի) պատգամավորների հարցերին: Այդ մասին, ինչպես հաղորդել Է IRNA գործակալությունը, ասված Է Ռոուհանիի ուղերձում, որն ուղարկվել Է խորհրդարանի խոսնակ Ալի Լարիջանիին: «Նախագահին հարցեր ուղղելու համար անհրաժեշտ Է պահպանել առնվազն երկու կետ:

Նախ դա պետք Է լինի Սահմանադրության շրջանակներում, երկրորդ՝ այդ պահանջը պետք Է ուղարկվի պատեհ ժամանակ»,- գրել Է նամակում Ռոուհանին, նշելով, որ այդ պահանջներից ոչ մեկը չի կատարվել:

«Իշխանությունների թեւերի միջեւ տարաձայնություններից խուսափելու եւ Իսլամական կոնսուլտատիվ խորհրդի նկատմամբ հարգանք դրսեւորելու համար ես պատեհ ժամանակ կգնամ Մեջլիս եւ կպատասխանեմ հարցերին»,- ասել Է նախագահը: Ավելի վաղ Mehr գործակալությունը հայտնել Էր, որ Իրանի խորհրդարանը Ռոուհանիին մեկ ամիս Է տվել տնտեսական ճգնաժամի հաղթահարման նպատակով ձեռնարկվող միջոցների վերաբերյալ հաշվտվություն ներկայացնելու համար: Բարձրագույն օրենսդիր մարմնի խոսնակ Լարիջանին ասել Է, որ «խորհրդարանի 80 պատգամավորներ պնդել են, որ այդ պահանջն ուղարկվի նախագահին»: Լարիջանին ընդգծել Է, որ «նման ընթացակարգ Է նախատեսված Սահմանադրության 88-րդ հոդվածով»:

Պատգամավորները նախագահից պահանջում են պարզաբանել ապրանքների գների ու արժույթի փոխարժեքի կարգավորման քաղաքականությունը, ներկայացնել գործազրկության կրճատման եւ ռեցեսիայի կանխման միջոցառումները, հաղորդել Է ՏԱՍՍ-ը:

Այս թեմայով Թեհրանի դիրքորոշումը մնում է անփոփոխ. Բաղայի Իրանը մահապատժի է ենթարկել հունվարյան զանգվածային անկարգությունների ևս երկու մասնակցի Իրանը հայտնել է, որ ԱՄՆ-ն ու Իսրայելը հարձակվել են բժշկական պարագաներ տեղափոխող քաղաքացիական ինքնաթիռի վրա Հորմուզի նեղուցով անցումը կլինի վճարովի. Իրանը նոր օրենք է սահմանել ԻՀՊԿ-ն հաստատել է Ալիռեզա Թանգսիրիի մահը