Ադրբեջանում արգելափակված են APA Holding-ի կայքերը

Օգոստոսի 1-ից արգելափակված են APA Holding-ի մեջ մտնող լրատվական կայքերը՝ այդ թվում Ադրբեջանի ամենահայտնի լրատվական գործակալություններից մեկը համարվող APA-ն: Պաշտոնական պատճառների մասին չի հաղորդվում:

Meydan TV-ն հայտնում է, որ երեկ APA-ն հրապարակել է Ադրբեջանի նախագահ Իլհամ Ալիևի ելույթը հայ-ադրբեջանական հարաբերությունների, ղարաբաղյան հակամարտության մասին, որը այլ գործակալությունների կողմից ևս արտատպվել է: Meydan TV-ի փոխանցմամբ՝ APA-ն Ալիևին է վերագրել «Մենք Հայաստանին ծնկի կբերենք» արտահայտությունը, որը նախագահի աշխատակազմը քիչ անց հերքել է՝ պնդելով, թե երկրի ղեկավարը նման հայտարարություն չի արել: Նախագահականի աշխատակազմի արձագանքից հետո լուրը կայքից հանվել է, և գործակալությունը ներողություն է խնդրել տեղի ունեցածի համար: Այդուհանդերձ, APA-ի կայքը մինչ այս պահը արգելափակված է:

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»