Ռոհանին Թրամփի հետ կհանդիպի, երբ ԱՄՆ-ը հրաժարվի պատժամիջոցներից

Թեհրանում կտրականապես մերժում են Միացյալ Նահանգների նախագահի առաջարկը Իրանի նախագահի հետ հանդիպման վերաբերյալ` քննարկելու երկու երկրների միջև հարաբերությունների բարելավման ուղիները: Նման բանակցությունները «ոչ մի արժեք չեն ունենա» և «նվաստացում» կլինեն, պնդում են իրանցի պաշտոնյաները:

Դոնալդ Թրամփը երկուշաբթի օրը հայտարարել էր, որ պատրաստ է հանդիպել Հասան Ռոհանիի հետ «առանց նախապայմանների»:

Իրանի արտգործնախարարությունը երեկ հայտարարել է, որ Թրամփի առաջարկը հակասում է նրա գործողություններին, քանի որ Վաշինգտոնը Իրանի նկատմամբ պատժամիջոցներ է սահմանել և ճնշում է գործադրում այլ երկրների վրա, որպեսզի նրանք խուսափեն իսլամական հանրապետության հետ բիզնես գործակցությունից:

«Պատժամիջոցները և ճնշումները երկխոսության ճիշտ հակառակն են», - «Ֆարս» լրատվական գործակալության փոխանցմամբ՝ ասել է Իրանի արտաքին քաղաքական գերատեսչության մամլո քարտուղար Բահրամ Ղասեմին։

Այս թեմայով ԱՄՆ-ը պատժամիջոցներ է սահմանել Իրանի հետ կապված ընկերությունների նկատմամբ Թրամփը չի խոչընդոտի Ֆրանսիային՝ Իրանին բժշկական նյութեր մատակարարելու հարցում. TACC Իրանի Ազգային անվտանգության բարձրագույն խորհրդի ղեկավարը հայտնել է, որ Թրամփը կորոնավիրուսից ավելի վտանգավոր է. Tasnim ԱՄՆ պատժամիջոցները «տնտեսական եւ բժշկական» ահաբեկչություն են Խամենեին մերժել է կորոնավիրուսի դեմ ԱՄՆ-ի առաջարկած օգնությունը