Թուրքիայում ձերբակալվել է ընդդիմադիր կուսակցության պատգամավոր

Թուրքիայի մայրաքաղաք Անկարայում ձերբակալվել է ընդդիմադիր Ժողովրդահանրապետական կուսակցության անդամ, Ստամբուլից ընտրված պատգամավոր Էրեն Էրդեմը, այս մասին պատգամովորը հայտնել է Twitter-ի իր պաշտոնական էջում։

«Հենց նոր ձերբակալվեցի։ Հիմնավորումը դեռ չգիտեմ։ Ոստիկանները ձերբակալեցին ինձ իմ տան դիմացից»,-գրել է Էրդեմը։

Հայտնի է, որ նրան «Զինված ահաբեկչական խմբավորման անդամ լինելու» վերաբերյալ մեղադրանք է առաջադրվել։

Կուսակցության՝ խորհրդարանական խմբակցության անդամ Նեջաթի Յըլմազը, մեկնաբանելով պատգամավորի ձերբակալությունը, նշել է․ «Այս պահին կողքին ենք։ Առողջական վիճակը լավ է։ Ձերբակալում են նրանց, ում չեն կարողանում լռեցնել»։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով