ԵՄ-ին Թուրքիայի անդամակցության հարցով բանակցությունները փակուղում են

Թուրքիան հեռանում է Եվրամիությունից, նրա անդամակցության շուրջ բանակցությունները գրեթե դադարեցված են: Այս մասին ասված է ԵՄ Խորհրդի ամփոփիչ հայտարարությունում, գրում է ՏԱՍՍ-ը:

«Խորհուրդը նշում է, որ Թուրքիան հեռանում է Եվրամիությունից: Թուրքիայի անդամակցության հարցով բանակցությունները փակուղում են, եւ անհնար է քննարկել նոր գլուխներ բացելու կամ փակելու հարցը»,- ասված է փաստաթղթում:

Խորհուրդը նաեւ ընդգծել է, որ դադարեցված է ԵՄ-Թուրքիա մաքսային միության արդիականացման ուղղությամբ աշխատանքը:

ԵՄ-ն ընդգծել է, որ չափազանց մտահոգված է Թուրքիայում օրենքի գերակայության հարցում ստեղծված իրավիճակով: «Խորհուրդն անհանգստացած է հատկապես օրենքի գերակայությունից եւ հիմնարար իրավունքներից շարունակաբար հեռանալու առիթով»,- ասված է փաստաթղթում:

Խորհուրդն Անկարային կոչ է արել շտկել ընթացիկ իրավիճակն ու այն համապատասխանեցնել եվրոպական եւ միջազգային չափանիշներին:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով