Ստամբուլի նորակառույց օդանավակայանում առաջին վայրէջքը կատարել է Էրդողանի ինքնաթիռը

Թուրքիայի նախագահ Ռեջեփ Թայիփ Էրդողանին տեղափոխող օդանավն առաջին վայրէջքն է կատարել Ստամբուլի երրորդ՝ նորակառույց օդանավակայանում, այս մասին տեղեկացնում է թուրքական diken.com.tr կայքը։

Հայտնի է, որ Էրդողանը Ստամբուլ է ժամանել Այնթապից՝ TC-ANK տեսակի ինքնաթիռով։

Ինչպես ավելի վաղ հայտնել է tert.am-ը՝ երրորդ օդանավակայանի կառուցման նպատակով արդեն ոչնչացվել է շուրջ 124 հա անտառապատ տարածք: Օդանավակայանի թռիչքուղին ունի 3750 մ երկարություն և 60 մ լայնություն։

«Շնորհավորում եմ բոլորին, ովքեր իրենց ներդրումն են ունեցել՝ ճարտարապետից մինչև ինժեներ։ Իսկապես հրաշալի կառույցի տեր դարձանք»,- ասել է Էրդողանը։

Անցյալ տարի Թուրքիայի ընդդիմադիր Ժողովրդադեմոկրատական կուսակցության անդամ, խորհրդարանի հայազգի պատգամավոր Կարո Փայլանը, դիմելով երկրի տրանսպորտի և կապի նախարար Ահմեդ Արսլանին, հայտարարել էր, որ իշխանություններն իրենց կառուցած կամուրջներով, ճանապարհներով ու այլ շինարարական նախագծերով հպարտանալու փոխարեն, պետք է պատասխան տան Ստամբուլի էկոհամակարգն ամբողջովին խախտելու համար:

 Ավելի վաղ նշվել էր, որ Ստամբուլի երրորդ միջազգային օդանավակայանի շահագործման հանձնվելուց հետո ներկայում գործող Աթաթուրքի անվան միջազգային օդանավակայանը կծառայի միայն օտար երկրների առաջնորդների օդանավերն ընդունելու համար։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով