Թուրքիան 1.5 միլիոն ԱՄՆ դոլար կծախսի հայկական եկեղեցին գրադարանի վերածելու համար

Թուրքական Կայսերի քաղաքի հայկական Սուրբ Աստվածածին եկեղեցին կդառնա գրադարան։ Քաղաքի իշխանությունները նախատեսում են այս վերակառուցման համար ծախսել 1.5 միլիոն ԱՄՆ դոլար։
Մինչ այդ հայկական եկեղեցին ծառայել է որպես ցուցասրահ, ոստիկանական բաժանմունք, իսկ մինչեւ վերջերս՝ որպես մարզասրահ,– հաղորդում է թուրքական Hurriyet պարբերականը։
Եկեղեցու շենքում ստեղծվող նոր գրադարանը կլինի քաղաքում ամենամեծը, եւ մինչև բացումը կստանա 50 հազար գիրք։ Բացի այդ, շենքի վերանորոգումից հետո, նախատեսվում է 2017-ի աշնանը բացել նաեւ սրճարան–գրադարան։
Hurriyet-ը նաեւ հաղորդում է, որ հայկական եկեղեցին շատ հին է, բայց թուրքական աղբյուրներում նրա կառուցման կոնկրետ տարեթիվը նշված չէ։

Top-News.am