Իրանի քաղաքացին Արաքսի վրա գտնվող կամրջով հատել է Արցախի սահմանը

Արցախի Գլխավոր դատախազությունից հունիսի 1-ին ստացվել են նյութեր ոստիկանության Հադրութի շրջանային բաժին այն մասին, որ 2018թ. մայիսի 18-ին ժամը 19:00-ի սահմաններում ԻԻՀ Համադան քաղաքի բնակիչ 30-ամյա Հասան Ղոլանի Սայաթ Ալին, Իրանի Իսլամական Հանրապետության տարածքից առանց սահմանված փաստաթղթերի, Արաքս գետով անցնող կամրջով հատել է Արցախի Հանրապետության պետական սահմանը:

Արցախի ոստիկանությունից NEWS.am-ին հայտնում են, որ նույն օրը ժամը 20:00-ի սահմաններում սահմանապահների կողմից հայտնաբերվել է Հադրութի շրջանի «Խուդաֆերին» կոչվող տեղամասում և բերման է ենթարկվել Արցախի Հանրապետության ԱԱԾ: