ՄԻԵԴ-ում այսօր տեղի կունենան Ռուսաստանի դեմ Վրաստանի հայցով վերջին բաց լսումները

Այսօր Ստրասբուրգում՝ Մարդու իրավունքների եվրոպական դատարանում, տեղի են ունենալու Ռուսաստանի դեմ Վրաստանի ներկայացրած հայցով վերջին բաց լսումները:

Վրաստանի արդարադատության նախարար Թեա Ծուլուկիանին երեկ ասել է, որ ստրասբուրգյան դատարանի նիստին Վրաստանի կառավարության ներկայացուցիչները պաշտպանելու են իրենց թիմային աշխատանքի արդյունքները:

2008 թվականի օգոստոսին տեղի ունեցած ռուս - վրացական կարճատև պատերազմի հետաքննության գործով պաշտոնական Թբիլիսին 700 նոր ապացույցներ է ներկայացնելու Եվրոպական դատարանին:

«Եվրոպական Վրաստան» կուսակցության պատգամավոր Գիա Բոկերիան հայտարարել է, որ Ռուսաստանի դեմ Ստրասբուրգի դատարան ներկայացված հայցը շատ լուրջ է, շատ ճշգրիտ և շատ լավ պատրաստված: Նրա խոսքով՝ եթե գործը ճիշտ վարեն, արդյունքը միայն մեկը կլինի՝ Ռուսաստանի Դաշնության կողմից խախտվել է Եվրոպական կոնվենցիան:

Վրացական կողմի այս ակնկալիքների մասին հաղորդում է «Գրուզիա օնլայն» կայքը՝ հավելելով, որ ընդհանուր որոշումից հետո Եվրոպական դատարանը սկսելու է լսել անհատական հայցերն ընդդեմ Ռուսաստանի:

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք