Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել

Ընդդիմադիր «Միացյալ ազգային շարժում» կուսակցությունը «ամոթալի» է անվանել «Վրացական երազանքի» առաջնորդ Բիձինա Իվանիշվիլիի հայտարարությունը, թե Վրաստանը պետք է ներողություն խնդրի Ցխինվալից 2008 թվականի օգոստոսյան պատերազմի համար, հաղորդում է NewsGeorgia-ն։

««Վրացական երազանքն» այս հայտարարությամբ ծառայում է միայն Ռուսաստանի շահերին, ձախողում է օկուպացված տարածքների չճանաչման քաղաքականությունը և վնասում Վրաստանի ազգային շահերին»,- ասվում է ՄԱՇ-ի հայտարարության մեջ։

Նախկին իշխող կուսակցությունը Իվանիշվիլիից պահանջել է ներողություն խնդրել։

«Նա և «Վրացական երազանքը» պետք է ներողություն խնդրեն վրաց ժողովրդից այս դավաճանական հայտարարության համար, և այն բանի համար, որ 12 տարում մարդիկ աղքատացել են, երկիրը դատարկվել է, ծնելիությունը պատմական ցածր մակարդակի վրա է, և Վրաստանը հայտնվել է միջազգային մեկուսացման մեջ»։

Այստեղ նաև վստահություն է հայտնվում, որ հոկտեմբերի 26-ի ընտրություններում «վրաց ժողովուրդը կհաղթի «Վրացական երազանքին» և միասնության և Եվրամիությանն ինտեգրվելու միջոցով իր ազգային շահերը պաշտպանելու խաղաղ քաղաքականություն կիրականացնի։

Ավելի վաղ Իվանիշվիլին հայտարարել էր, որ Վրաստանը պետք է ներողություն խնդրի օսերից 2008 թվականի պատերազմի համար և «Միացյալ ազգային շարժում» կուսակցությանը մեղադրել այս պատերազմը սկսելու մեջ։

Այս թեմայով Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք Մեզ այլևս արտակարգ դրություն և պարետային ժամ պետք չէ