Եվրամիությունը պատրաստ չէ ընդունել Թուրքիային

Թուրքիան առաջիկա 10-15 տարում Եվրամիության անդամ չի դառնա։ Այս մասին «Известия»-ին ասել է Եվրոպական հանձնաժողովի աղբյուրը:

Թուրքիան դեռևս չի համապատասխանում ԵՄ չափանիշներին՝ թե՛ տնտեսական ցուցանիշներով, թե՛ ժողովրդավարական արժեքներով, նշել է աղբյուրը:

«Իրավիճակը գրեթե չի փոխվել։ Անկարան առաջիկա 10-15 տարվա ընթացքում ԵՄ անդամ դառնալու հնարավորություն չունի։ Եվ դրա պատճառը միայն կուտակված քաղաքական խնդիրները չեն։ Սակայն այս ամենի հետ մեկտեղ պետք է նշել, որ առաջիկայում որևէ երկրի առհասարակ չի հաջողվի ԵՄ անդամ դառնալ, քանի որ ընդհանուր առմամբ ԵՄ-ում ընդլայնում չի ծրագրվում», - ասել է եվրոպացի պաշտոնյան։

Թուրքիան ԵՄ անդամ դառնալու հայտ է ներկայացրել 1987 թվականին և դարձել անդամակցության թեկնածու 1999-ից։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով