Էդգար Մանուչարյանը հրաժեշտ է տվել «Ուրալի» երկրպագուներին

Հայաստանի հավաքականի հարձակվող Էդգար Մանուչարյանը շնորհակալություն է հայտնել Եկատերինբուրգի «Ուրալի» երկրպագուներին: Ավելի վաղ հայտնի էր դարձել, որ 31-ամյա ֆուտբոլիստը վերջին մրցաշրջանն է անցկացնում ռուսական ակումբում:

«Ահա եկավ այդ օրը: Ցանկանում եմ շնորհակալություն հայտնել «Ուրալի» բոլոր երկրպագուներին այս 7 տարիների իսկական աջակցության համար: Առաջին իսկ օրվանից զգացել եմ ձեր ուժն ու վստահությունն իմ հանդեպ: «Ուրալը» դարձավ իմ կյանքի հսկայական մասը, եւ ինձ համար մեծ պատիվ էր երկար ժամանակ ներկայացնել այս ակումբը:

Այստեղ եղել են ե՛ւ անմոռանալի հաղթանակներ, ե՛ւ որոշ անհաջողություններ, սակայն դուք միշտ ֆանտաստիկ աջակցություն ենք ցուցաբերել ինձ, եւ ես երբեք չեմ մոռանա դա: Իմ բախտը բերել է հնարավորություն ունենալ այսքան երկար ժամանակ խաղալ այդպիսի հրաշալի երկրպագուների համար:

Շնորհակալություն բոլորին, ովքեր աջակցել են ինձ՝ անկախ իմ ֆիզիկական վիճակից, ու նրանց, ովքեր շարունակել են աջակցել «Ուրալին»՝ անկախ արդյունքից: Եվ ամենագլխավորը, շնորհակալություն Եկատերինբուրգին, որն ինձ թույլ տվեց տեղացի դառնալ այս քաղաքում: Առա՛ջ, «Ուրալ»»,- ֆեյսբուքյան էջում գրել է Մանուչարյանը:

Հիշեցնենք, որ Էդգար Մանուչարյանը 2012 թվականից է «Ուրալի» համակարգում: 2017-ի սկզբնամասում նա որոշ ժամանակ խաղաց Թաիլանդում եւ դարձյալ վերադարձավ «Ուրալ»: Ռուսաստանի ընթացիկ առաջնությունում հարձակվողը մասնակցել է 6 խաղի, իսկ 2018 թվականին դաշտ դուրս չի եկել ռուսական ակումբի կազմում:

sport.news.am