Իսրայելն Ասադին առաջարկում է Սիրիայից իրանցի զինվորականներին վռնդել

Իսրայելի պաշտպանության նախարար Ավիգդոր Լիբերմանը Կացրին (Գոլանի բարձունքներ) այցելության ժամանակ հեռակա դիմել է Սիրիայի նախագահ Բաշար Ասադին եւ նրան առաջարկել Սիրիայի տարածքից վռնդել իրանցի զինվորականներին: Այս մասին նշված է Իսրայելի պաշտպանության նախարարության ուրբաթ հրապարակված հայտարարության մեջ, հայտնում է ՏԱՍՍ-ը:

«Ձեր հողից վռնդեք Ղասեմ Սուլեյմանիին (գեներալ, Իսլամական հեղափոխության պահապանների կորպուսի ղեկավարներից մեկը) եւ «Ալ Ղուդսի» ուժերին: Նրանք ձեզ չեն օգնում, Սիրիայում նրանց ներկայությունը ձեզ համար միայն խնդիրներ է ստեղծում եւ վնաս բերում: Իրանցիներին դուրս քշեք, եւ այդ ժամանակ, հնարավոր է, միանգամայն այլ կյանք կսկսվի»,- ասել է Լիբերմանը:

Նա իր ելույթում գնահատել է նաեւ իսրայելական բանակի հաջողությունները եւ նախազգուշացրել հնարավոր էյֆորիայի տրվելուց: «Անհրաժեշտ է խելամիտ գործել, սակայն վճռական: Չեմ կարծում, որ ամեն ինչ ավարտվել է, սակայն մենք իրավիճակին հետեւում ենք եւ հավասարակշռված, պատասխանատու ու նպատակաուղղված ենք գործում»,- նշել է Իսրայելի պաշտպանության նախարարը:

Այս թեմայով Թեհրանի դիրքորոշումը մնում է անփոփոխ. Բաղայի Միացյալ Նահանգները և Իսրայելը անցել են Իրանի դեմ իրենց պատերազմի կեսը. Նեթանյահու Իրանը մահապատժի է ենթարկել հունվարյան զանգվածային անկարգությունների ևս երկու մասնակցի Իրանը հայտնել է, որ ԱՄՆ-ն ու Իսրայելը հարձակվել են բժշկական պարագաներ տեղափոխող քաղաքացիական ինքնաթիռի վրա Հորմուզի նեղուցով անցումը կլինի վճարովի. Իրանը նոր օրենք է սահմանել