Հարկերից խուսափելու համար Մոուրինյոն կվճարի եւս 800 հազար եվրո

Անգլիական «Մանչեսթեր Յունայթեդի» գլխավոր մարզիչ Ժոզե Մոուրինյոն Իսպանիայի իշխանությունների հետ պայմանավորվել է հարկերից խուսափելու գործով:

El Mundo-ի համաձայն՝ 12 ամսով ազատազրկվելուց խուսափելու համար պորտուգալացի մասնագետը Իսպանիայի պետական գանձարանին կվճարի 800 հազար եվրո տուգանք:

Մոուրինյոն մեղադրվում է 2011-2012-ն իր իմիջային իրավունքների համար 3.3 միլիոն եվրո հարկ չվճարելու մեջ: Այդ ժամանակ նա աշխատում էր Մադրիդի «Ռեալում»: 2015-ին մարզիչը 4.5 միլիոն եվրո էր վճարել իրավիճակը կարգավորելու համար, սակայն բացահայտվել են նոր մանրամասներ, ինչի պատճառով նա վճարել է եւս 800 հազար: