Թուրքիայի ոսկու պաշարները ավելացել են 33.9 տոննայով

Արժույթի միջազգային հիմնադրամի (ԱՄՀ-IMF) տեղեկություններ է հրապարակել Թուրքիայի ոսկու պաշարների վերաբերյալ: Թուրքական «Vatan» թերթի կայքի տեղեկացմամբ՝ 2017թ. հունվարին նախորդ ամսվա համեմատ այդ պաշարներն ավելացել են 33.9 տոննայով:
Այսպիսով, Թուրքիայի ոսկու պաշարները հունվարի դրությամբ կազմում են 411 տոննա կամ 13.21 միլիոն ունցիա:

2016թ. դեկտեմբերին այդ ցուցանիշը կազմել էր 12.12 միլիոն ունցիա, իսկ 2016թ. հունվարին՝ 16.61 միլիոն ունցիա:
Նույն աղբյուրի համաձայն՝ 2017թ. հունվարի դրությամբ Ռուսաստանի ոսկու պաշարներն ավելացել են 29.9 տոննայով՝ կազմելով 1645.19 տոննա: Հունգարիայի պաշարներն աճել են 3.1 տոննայով, Արգենտինայինը՝ 4.98 տոննայով:
ermenihaber.am