Թուրքիայում տղամարդը դատի է տվել կնոջը՝ իրեն պարբերաբար ծեծելու համար

Թուրքիայի Իզմիր նահանգի Չեշմե շրջանում տղամարդը որոշել է դատարանի միջոցով ամուսնալուծվել կնոջից՝ վերջինիս կողմից պարբերաբար ֆիզիկական բռնության ենթարկվելու պատճառով, այս մասին գրում է թուրքական haberler.com կայքը:

Ամուսինը հայտնել է, որ ամուսնական մեկ տարվա ընթացքում պարբերաբար բռնության է ենթարկվել կնոջ կողմից, որը բղավել, եղունգներով ճանկռել ու սեղմելով ցավեցրել է նրա սեռական օրգանները:

Տղամարդը պահանջել է հաստատել իրենց ամուսնալուծությունն ու 300 000 թուրքական լիրայի չափով (75 000 դոլար) բարոյական փոխհատուցում պահանջել:

Կինը, սակայն, հերքել է առաջադրված մեղադրանքներն ու պնդել, որ ամուսինն ինքն է մեղավոր հարաբերությունների սրման համար, քանի որ անընդհատ քնել է ու չի հետաքրքրվել իրենով: Կինն իր հերթին պահանջել է 250 000 լիրայի չափով բարոյական փոխհատուցում: