ԼՂ հակամարտության կարգավորման համար Մինսկի խմբին անհրաժեշտ է ավելի շատ ջանք գործադրել. ՄԱԿ-ի պաշտոնյա
ՄԱԿ-ն ակնկալում է ԵԱՀԿ Մինսկի խմբից գործադրել բոլոր ջանքերը Լեռնային Ղարաբաղի հակամարտության կարգավորման համար: Այդ մասին ադրբեջանական «Թրենդ» գործակալությանը տված հարցազրույցում ասել է ՄԱԿ-ի Գլխավոր ասամբլեայի 72-րդ նստաշրջանի նախագահ Միրոսլավ Լայչակը:
«Այժմ հակամարտության կարգավորման համար բոլորի կողմից ընդունված մեխանիզմը ԵԱՀԿ Մինսկի խումբն է: Անհրաժեշտ է հարգել այդ մեխանիզմը և ամբողջությամբ օգտագործել դրա ներուժը: Ես ակնկալում եմ Մինսկի խմբից, որ այն կանի հնարավոր ամեն բան այդ հակամարտության խաղաղ կարգավորման համար»,- ասել է նա:
Պատասխանելով հակամարտությունների կանխման գործում և դրանց լուծման հարցում աջակցության առնչությամբ ՄԱԿ-ի գործունեության մասին հարցին՝ Լայչակը նշել է, որ ՄԱԿ-ի աշխատանքը հաճախ երևում է հակամարտության բռնկումից հետո:
«Հակամարտության առաջացման դեպքում ՄԱԿ-ի Անվտանգության խորհուրդը հանդիպումներ է անցկացնում և սովորաբար բանաձևեր է ընդունում, երբեմն անհրաժեշտության դեպքում որոշում է կայացվում խաղաղապահ ուժերի տեղակայման մասին:
2016 թվականից հակամարտությունների նկատմամբ ՄԱԿ-ի մոտեցումը փոխվել է, քանի որ կազմակերպության անդամ երկրները պայմանավորվել են «խաղաղության պահպանման» նոր կոնցեպտի շուրջ: Այն հիմնականում ուղղված է հակամարտության կանխմանը և հակամարտության նախանշաններին արձագանքելուն: Հակամարտությունների նախանշանների առաջացման ժամանակ մենք պետք է օգտագործենք այնպիսի գործիքներ, ինչպիսիք են կանխարգելիչ դիվանագիտությունը, միջնորդությունը դրանց կանխման համար»,- ասել է պաշտոնյան:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Պատրաստվելով Օմանում մեր դեսպանության բացմանը. Կադրից դուրս
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Ամբերդ ամրոց և Քարի լիճ տանող ավտոճանապարհները փակ են