Իրանը կարող է վերսկսել ուրանի 20 տոկոս հարստացումն ընդամենը 4 օրվա ընթացքում

Իրանը կարող է վերսկսել ուրանի մինչեւ 20 տոկոսանոց հարստացման գործընթացն ընդամենը 4 օրվա ընթացքում: Այս մասին հայտարարել է Իրանի ատոմային էներգիայի կազմակերպության ղեկավար Ալի Աքբար Սալեհին, փոխանցում է Tasnim-ը:

Նրա խոսքով՝ իշխանությունների հրահանգի դեպքում Իրանը կարող է ընդամենը չորս օրվա ընթացքում Ֆորդու միջուկային օբյեկտի վրա սկսել ուրանի 20 տոկոսանոց հարստացումը: Սալեհին նշել է, որ Իրանի կողմից այսքան կարճ ճամանակահատվածում ուրանի 20 տոկոս հարստացումը հստակ ուղերձ է ԱՄՆ-ի կողմից:

Սալեհին նաեւ նախազգուշացրել է Իրանի եւ «վեցնյակի» երկրների (Ռուսաստան, Չինաստան, Միացյալ Նահանգներ, Մեծ Բրիտանիայ, Ֆրանսիայ եւ Գերմանիայ) միջեւ միջուկային համաձայնագրի ստորագրման հետեւանքների մասին՝ նշելով, որ պայմանագրի ձախողման դեպքում Իրանի միջուկային գործունեությունը շատ ավելի լայն է լինելու, քան նախկինում: .