Հենրիխ Մխիթարյանն ու Արսեն Վենգերը ԲԿՄԱ-ի հետ խաղից առաջ մամուլի ասուլիս են տվել

«Արսենալի» կիսապաշտպան Հենրիխ Մխիթարյանը ԲԿՄԱ-ի հետ Եվրոպա լիգայի 1/4 եզրափակչից առաջ ներկա է գտնվել մամուլի ասուլիսին.

 «Ես արդեն Եվրոպա լիգայում ու Չեմպիոնների լիգայում խաղալու մեծ փորձ ունեմ: Պետք է հաղթենք առաջին խաղը: Կարևոր է դա անել պատասխան խաղից առաջ»,- հայ ֆուտբոլիստի խոսքերը մեջբերում է «Чемпионат»-ը:

Մամուլի ասուլիսին ներկայացել է նաև թիմի գլխավոր մարզիչ Արսեն Վենգերը.

 «Մենք դեռևս քառորդ եզրափակչում ենք և այդ է պատճառը, որ չենք երազում տիտղոսի մասին: Պետք է իրատես լինել և քայլ առ քայլ գնալ դեպի չեմպիոնության: ԲԿՄԱ-ն ուժեղ թիմ է, որը հաղթահարել է «Լիոնի» արգելքը: Նրանք լավ են խաղացել ու հաջորդ փուլ դուրս գալու հնարավորությունները 50/50 են»,- ասել է Վենգերը:

 Թիիմերի միջև առաջին խաղը կկայանա Լոնդոնում՝ ապրիլի 5-ին: Պատասխան մրցավեճը տեղի կունենա ապրիլի 12-ին «Арена ЦСКА» ստադիոնում: