Պաշտպանը կարող էր փրկել իր թիմին, սակայն ... (տեսանյութ)

Անգլիայի առաջնության 5-րդ դիվիզիոնի «Ուոքինգ»-«Մաքլսֆիլդ Թաուն» խաղում անհավանական միջադեպ է գրանցվել: 

Խաղի 94-րդ րոպեին` 2:2 հաշվի ժամանակ, երբ հյուրերը վճռորոշ գրոհն են իրականացրել, հարձակվողը գնդակը դարպասապահի ոտքերի արանքով փորձել է ուղարկել դարպասը, սակայն գնդակը կանգ է առել դարպասի դիմաց` ցեխաջրի մեջ: 

Գնդակին ամենամոտը եղել է պաշտպան Ջոու Ջոնսը: Նա կարող էր դառնալ խաղի հերոսը, սակայն հարվածի պահին վերջինս բռնել է գլուխը և շրջվել` չնկատելով, որ գնդակը չի հայտնվել դարպասում:

Արդյունքում, «Մաքլսֆիլդի» կիսապաշտպան Դենիել Ուայթհեդը առաջինն է հասել գնդակին և այն ուղարկել «Ուոքինգի» դարպասը: 

«Ուոքինգն» այլևս ժամանակ չի ունեցել որևէ բան փոխելու և պարտվել է 2:3 հաշվով: «Ուոքինգը» 5-րդ դիվիզիոնի` 24 թիմից բաղկացած առաջնության մրցաշարային աղյուսակի 18-րդ հորիզոնականն է զբաղեցնում:

«Մաքլսֆիլդն» առաջին տեղը կիսում է «Սաթոն Յունայթեդի» հետ: