Մոհամեդ Սալահն իր պայմաններն է ներկայացրել «Ռեալին»

Մադրիդի «Ռեալը» բանակցություններ է անցկացրել անգլիական «Լիվերպուլի» եգիպտացի կիսապաշտպան Մոհամեդ Սալահի հետ։

Don Balon-ի համաձայն՝ Եգիպտոսի հավաքականի 25-ամյա ֆուտբոլիստը ներկայացրել է իր պայմանները։ Սալահը երաշխիքներ է պահանջել, որ մշտական տեղ կունենա Արքայական ակումբի մեկնարկային կազմում։ Բացի այդ, նա ցանկանում է դառնալ «Ռեալի» երկրորդ ամենաբաձր վարձատրվող ֆուտբոլիստը պորտուգալացի հարձակվող Կրիշտիանու Ռոնալդուից հետո։

Ավելի վաղ լուրեր էին շրջանառվում, որ Սալահը «Լիվերպուլի» հետ կնքելու է նոր պայմանագիր, որում նրա կլաուզուլան կազմելու է 200 միլիոն եվրո։ Ընթացիկ մրցաշրջանում նա բոլոր մրցաշարերում անցկացրել է 42 հանդիպում, դարձել 37 գոլի եւ 12 գոլային փոխանցման հեղինակ։

NEWS.am SPORT