Արոնյանն ընդդեմ Անանդի

Գերմանիայում ընթացքի մեջ է «GRENKE Сhess Сlassic» մրցաշարը, որին մասնակցում են աշխարհի ուժեղագույն շախմատիստները:

Երեկ կայացել է երկրորդ տուրը: Հայկական շախմատի առաջատար Լևոն Արոնյանը սպիտակներով առավելության է հասել Ադրբեջանը ներկայացնող Արկադի Նայդիչի նկատմամբ՝ հաղթանակ տանելով 35-րդ քայլին:

Մրցաշարային աղյուսակը երկու տուրից հետո գլխավորում է ռուս Նիկիտա Վիտյուգովը, ով իր ակտիվում ունի երկու հաղթանակ:

Այսօր՝ ապրիլի 2-ին, կայանալու են երրորդ տուրի պարտիաները:

Հայ գրոսմայստեր Լևոն Արոնյանը սևերով մրցելու է աշխարհի նախկին չեմպիոն Վիշվանաթան Անանդի հետ: Հնդիկ գրոսմայստերը նախորդ տուրում պարտվել է Վաշիե Լագրավին և իր հաշվին ունի կես միավոր:

Grenke Сhess Сlassic, երրորդ տուր

Մատիաս Բլուբաում (Գերմանիա) - Մագնուս Կարլսեն (Նորվեգիա)

Հոու Յիֆան (Չինաստան) - Մաքսիմ Վաշյե-Լագրավ (Ֆրանսիա)

Վիշվանաթան Անանդ (Հնդկաստան) - Լևոն Արոնյան (Հայաստան)

Արկադի Նայդիչ (Ադրբեջան) - Նիկիտա Վիտյուգով (Ռուսաստան)

Գեորգ Մեյեր (Գերմանիա) - Ֆաբիանո Կարուանա (ԱՄՆ)

Մրցաշարային աղյուսակ

Նիկիտա Վիտյուգով - 2 միավոր

Լևոն Արոնյան, Մագնուս Կարլսեն, Մաքսիմ Վաշիե-Լագրավ - 1․5-ական միավոր

Ֆաբիանո Կարուանա - 1 միավոր

Արկադի Նայդիչ, Գեորգ Մեյեր, Վիշվանաթան Անանդ, Հոու Յիֆան, Մատիաս Բլուբաում - 0․5-ական միավոր