Շարունակվում է շախմատի պատանեկան առաջնության կիսաեզրափակիչը

Հայաստանի շախմատի ակադեմիայում շարունակվող Հայաստանի պատանիների և աղջիկների առաջնության կիսաեզրափակիչ փուլում երեկ կայացել է 7-րդ խաղափուլը։

Այս մասին հայտնում է «Chess.am»-ը:

Մինչև 18 տարեկան պատանիների խմբում Արմենակ Նազարյանը 5․5 միավորով միանձնյա գլխավորում է մրցաշարային աղյուսակը։

Մինչև 16 տարեկան պատանիների խմբում 7 հնարավորից 6 միավորով միանձնյա առաջատարն է Ալբերտ Գևորգյանը։

Մինչև 14 տարեկան պատանիների տարիքային խմբում Րաֆֆի Ղազարյանը, Արման Գրիգորյանը, Արամ Վարդանյանը, Արգիշտի Պետրոսյանցը և Գագիկ Մանուչարյանը ը 5․5 միավորով կիսում են 1-5-րդ տեղերը։

Մինչև 16 տարեկան աղջիկների խմբում 5․5 միավորով առաջատարն է Քրիստինե Սմբատյանը։

Այսօր` մարտի 30-ին, կկայանա մրցաշարի 8-րդ խաղափուլը։