Կրիշտիանու Ռոնալդուն չի մասնակցի Լաս-Պալմասի հետ առաջիկա խաղին

Մադրիդի «Ռեալի» հարձակվող Կրիշտիանու Ռոնալդուն չի մասնակցի իսպանական Պրիմերայի 30-րդ տուրի` «Լաս-Պալմասի» հետ խաղին, որը կկայանա վաղը` մարտի 31-ին, հայտնում է «Marca»-ն:

 Աղբյուրի փոխանցմամբ, «Ռեալի» մարզչական շտաբը որոշել է հանգիստ տրամադրել պորտուգալացուն, քանի որ շաբաթվա կեսերին մադրիդյան թիմը հանդիպելու է «Յուվենտուսին» Չեմպիոնների լիգայի 1/4 եզրափակչի առաջին խաղում:

 Հիշեցնենք` ընթացիկ մրցաշրջանում 33-ամյա հարձակվողն Իսպանիայի առաջնության 23 հանդիպման է մասնակցել, որոնցում դարձել է 22 գոլի հեղինակ: