Հենրիխ Մխիթարյանը ներկայացրել է իր նոր խաղակոշիկները

Հայաստանի հավաքականի եւ Լոնդոնի «Արսենալի» կիսապաշտպան Հենրիխ Մխիթարյանը սոցիալական ցանցերում ներկայացրել է իր նոր խաղակոշիկները: 29-ամյա ֆուտբոլիստը նախընտրել է Adidas ընկերության Predator խաղակոշիկները։

Հիշեցնենք, որ ազգային հավաքականների ընկերական խաղերով պայմանավորված դադարից հետո «Արսենալը» պատրաստվում է «Սթոք Սիթիի» դեմ Պրեմյեր լիգայի 32-րդ տուրի հանդիպմանը, որը կկայանա ապրիլի 1-ին։

Ավելի վաղ Հենրիխ Մխիթարյանն ընդգրկվել էր «Արսենալի»՝ մարտ ամսվա լավագույն ֆուտբոլիստի 4 թեկնածուների թվում։ Մարտին նա լոնդոնյան ակումբի կազմում բոլոր մրցաշարերում մասնակցել է 5 խաղի եւ դարձել 2 գոլի ու մեկ գոլային փոխանցման հեղինակ։