Իսպանիայի հավաքականի 6-րդ գոլից հետո Մեսին հեռացել է տրիբունայից (Լուսանկար)

«Բարսելոնայի» հարձակվող Լիոնել Մեսին հեռացել է տրիբունայից այն բանից հետո, երբ Արգենտինայի ազգային հավաքականը 6-րդ գոլն է բաց թողել իսպանացիների հետ ընկերական խաղի 74-րդ րոպեին, հայտնում է Mundo Deportivo-ն։

Մադրիդի «Վանդա Մետրոպոլիտանո» ստադիոնում կայացած խաղը Մեսին բաց էր թողել ծնկի վնասվածքի պատճառով, իսկ Իսպանիայի հավաքականն առավելության էր հասել 6։1 հաշվով։

Արգենտինայի հավաքականը պատմության մեջ երրորդ անգամ պարտվել էր 1։6 հաշվով եւ 5-րդ անգամ՝ 5 գոլի տարբերությամբ։ 1958-ին արգենտինացիներին նույն հաշվով հաղթել էր Չեխոսլովակիան, իսկ 2009-ին՝ Բոլիվիան։

Հիշեցնենք, որ Մեսին ծնկի վնասվածքի պատճառով բաց էր թողել նաեւ Իտալիայի հավաքականի դեմ ընկերական խաղը (2:0), որը կայացել էր մարտի 23-ին։