Մ-19. Թաիլանդ - Հայաստան՝ 2։2

Արաբական Միացյալ Էմիրություններում ավարտված «Դուբայի Գավաթ 2018» միջազգային մրցաշարի երրորդ տուրում Հայաստանի մինչեւ 19 տարեկանների հավաքականը մրցել է Թաիլանդի հետ։ Գրանցվել է մարտական ոչ ոքի՝ 2։2։ Հայկական թիմից աչքի են ընկել Լյովա Մրյանը եւ Նարեկ Գրիգորյանը:

Վերջին տուրում Հայաստանի Մ-19 հավաքականը պետք է խաղար Տաջիկստանի հետ, սակայն մրցաշարի կազմակերպիչները որոշել են փոխել մրցակցին, հայտնում է ՀՖՖ կայքը։

Նախորդ 2 խաղերում հայ ֆուտբոլիստները պարտվել էին Սաուդյան Արաբիայի (0։4) եւ ԱՄԷ-ի (0։4) թիմերին։

Հիշեցնենք, որ վերջերս Հայաստանի Մ-19 հավաքականը գլխավորել էր արգենտինացի մասնագետ Ֆերնանդո Արիել Բատիստան, որը նախկինում աշխատել է Արգենտինայի Մ-20 թիմի հետ։