Ոչ քամի կար, ոչ էլ մարզչական միտք, ոչ էլ նվիրում

Ֆուտբոլի Հայաստանի հավաքականը ընկերական խաղում ընդունեց Լիտվայի ընտրանուն եւ պարտվեց 1:0 հաշվով:

Ամբողջ խաղի ընթացքում Հայաստանի հավաքականը ոչ միայն գոլ չխփեց բավական թույլ մերձբալթյան հավաքականին, այլ անգամ վտանգավոր պահ չստեղծեցին:

Խայտառակ խաղ: Չկար մարզչական միտք: Այնպիսի տպավորություն էր, որ ֆուտբոլիստներին ասել էին մտեք դաշտ եւ ինչ կարող եք արեք: Չկար անգամ ուժեղ քամին, ինչպես Էստոնիայի հետ խաղում, որ ասեինք, թե այ որ չլիներ քամին...

Կարճ ասած, իսկական խայտառակություն: Ֆուտբոլիստների մեծ մասը, անհասկանալի է, թե ինչու են հրավիրվում հավաքական: Նրանք, ժողովրդի լեզվով ասած՝ խաղալ չգիտեն, անգամ չեն կարող հավակնել խաղալ Մակեդոնիայի երկրորդ դիվիզիոնի թիմերում խաղալուն:

Անհասկանալի էին, թե ինչ սկզբունքով է Արթուր Պետրոսյանը փոփոխություններ անում: Մի խոսքով բազմաթիվ հարցեր եւ դեռեւս ոչ մի պատասխան:

Այսպիսի խաղով որեւէ լուրջ հաջողության մասին երազելն անգամ ավելորդ է: տարօրինակ է միայն, թե Արթուր Պետրոսյանն ինչպես մնաց իր դիրքում Լեհաստանի եւ Դանիայի հետ խայտառակ հանդիպումներից հետո: 

Ցավով ենք ասում, արձանագրում՝ այս թիմը խայտառակություն է:

Top-News.am