Լեհաստանում Ռուսաստանի օգտին լրտեսության մեջ կասկածվող պաշտոնյա է ձերբակալվել

Լեհական հատուկ ծառայությունները ձերբակալել են կառավարական պաշտոնյայի, ով կասկածվում է Ռուսաստանին գաղտնիքներ տրամադրելու մեջ։ Խոսքը, մասնավորապես, այն քայլերի մասին է, որոնք Վարշավան պլանավորում էր ձեռնարկել «Հյուսիսային հոսք-2» գազատարի կառուցումը արգելափակելու ուղղությամբ։ Այս մասին հայտնում է «Ռոյթերզ» գործակալությունը՝ վկայակոչելով լեհական կառավարությունը։

Լեհաստանը դեմ է «Հյուսիսային հոսք-2»-ին, որը Ռուսաստանը կապում է Գերմանիային, ինչը թույլ կտա Մոսկվային ավելի շատ գազային պաշարներ հասցնել Արեւմտյան Եվրոպայի իր հիմնական շուկաներ՝ շրջանցելով արեւելյան այնպիսի պետություններ, ինչպիսիք են Ուկրաինան և Լեհաստանը։

Վարշավայի կարծիքով գազատարը ամրապնդելու է «Գազպրոմի» առաջատար դիրքը Կենտրոնական և Արեւելյան Եվրոպայում, սահմանափակելու է մրցակցությունը և մեծացնելու Եվրոպայի կախվածությունը ռուսաստանյան գազից։

azatutyun.am

Այս թեմայով Պեսկով․ «Ռուսաստանն անարձագանք չի թողնի Լեհաստանում ամերիկյան զինվորականների հնարավոր տեղակայումը» Լեհաստանը 5 մլրդ դոլարի Patriot հակահրթիռային պաշտպանության համակարգեր կգնի ԱՄՆ-ից Լեհաստանի նախագահը միացել է ԱԱ–2018–ի բոյկոտին Լեհաստանը Երկրորդ համաշխարհայի ժամանակ Գերմանիայի գործողություններից ստացած վնասը գնահատել է 850 միլիարդ դոլար Լեհաստանի նախագահը կստորագրի «Հոլոքոսթի մասին օրենքը»՝ չնայած Իսրայելի և ԱՄՆ-ի բողոքներին