Ադրբեջանի քաղբանտարկյալների լրացված ցուցակում 142 մարդու անուն կա

Ադրբեջանում քաղաքական բանտարկյալների միասնական ցուցակի աշխատանքային խումբը հրապարակել է լրամշակված ցանկը, որը ներառում է 142 անուն։

Turan գործակալության փոխանցմամբ, ցանկը կազմելիս աշխատանքային խումբը հենվել է հինգ չափորոշիչների վրա, որոնք սահմանվել են 2012թ. հոկտեմբերի 3-ին ԵԽԽՎ ընդունած բանաձեւով։

«Լրագրողներ/բլոգերներ» խմբում ներառված է 11 մարդ։ Ամենամեծ խումբը «Հավատացյալներն են՝ 83 անուն։ Նրանցից 59-ը «Մահմեդական միասնություն» շարժման անդամներ են՝ ձերբակալված 2015թ. Նարդարանի դեպքերից հետո։

Առանձին խումբ են Իսլամական կուսակցության առաջնորդ Մովսում Սամեդովն ու նրա հետ դատապարտված չորս այլ անձինք։ Վեց մարդու ձերբակալել են «Եվրատեսիլի» դեմ բողոքելու համար, 15-ին սոցիալական բողոքների, «Իսկ քաղաքական պատանդներ» խմբում երեք անձինք են։

Լուրեր Հայաստանից - NEWS.am

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»