Ադրբեջանը 55 տոկոսով ավելացրել է զենքի ներկրման ծավալները. զեկույց

Ստոկհոլմի խաղաղության հարցերով միջազգային հետազոտական ինստիտուտը (SIPRI) հրապարակել է 2013-2017 թվականներին սպառազինման միջազգային առք ու վաճառքի մասին նոր զեկույցը:

Զեկույցում նշվում է, որ 2017-ին, ինչպես և նախորդ տարիներին, ռազմական բախումներ են տեղի ունեցել Հայաստանի և Ադրբեջանի միջև: Ինչպես նշվում է, Հայաստանի կողմից գնված հիմնական սպառազինումը փոքր ծավալների է եղել, և բոլոր ներկրված զինատեսակները ձեռք են բերվել Ռուսաստանից: Մինչդեռ Ադրբեջանի ներկրած զենքի ծավալները շատ ավելի մեծ են և կազմում են համաշխարհային ներկրման 1.3 տոկոսը:

Զեկույցում ընդգծվում է, որ Ադրբեջանի զենքի ներկրման ծավալները 2013-2017 թվականներին 55 տոկոսով ավելին են՝ 2008-12 թվականների համեմատ: Ադրբեջանի զենքի հիմնական մատակարարներն են Ռուսաստանը (65 տոկոս) և Իսրայելը (29 տոկոս):