Ադրբեջանը շաբաթավերջին լայնածավալ զորավարժություն կսկսի

Ադրբեջանը պատրաստվում է շաբաթավերջից հնգօրյա լայնածավալ զորավարժություններ սկսել:

Ըստ պաշտոնական հաղորդագրության, վարժանքներին կմասնակցի մինչև 25 հազար զինվորական, 250 միավոր տանկ ու այլ զրահամեքենա, տարբեր տրամաչափի հրթիռային հրետանային կայաններ, համազարկային կրակի և ականանետային ռեակտիվ համակարգեր, օդուժ:

«Զորավարժությունների ընթացքում զորքերը պետք է կասեցնեն հակառակորդի հարձակումը, ինչպես նաև հակահարվածների միջոցով վերականգնեն պաշտպանության գիծն՝ ավելի ձեռնտու դիրքերի ներառմամբ՝ հետագայում անցնելով լայնամասշտաբ հակահարձակողական գործության», - ասվում է Ադրբեջանի պաշտպանության նախարարության հաղորդագրության մեջ:

Ըստ պաշտոնական տեղեկատվության, վարժանքների ընթացքում ադրբեջանական բանակը նախատեսում է նաև կիրառել վերջերս ձեռք բերած մի շարք նոր զինատեսակներ:

azatutyun.am

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»