Գվարդիոլան «Արսենալի» դեմ խաղում մոռացել է հանել շարֆի գնապիտակը (Լուսանկար)

«Մանչեսթեր Սիթիի» գլխավոր մարզիչ Խոսեպ Գվարդիոլան Լոնդոնի «Արսենալի» դեմ Պրեմյեր լիգայի 28-րդ տուրի խաղում այնքան ներգրավված է եղել հանդիպմանը, որ մոռացել է հանել շարֆի վրայի գնապիտակը։ Դա չի վրիպել տեսախցիկների ուշադրությունից։

Հիշեցնենք, որ Լոնդոնում կայացած խաղում «Մանչեսթեր Սիթին» հաղթել էր 3։0 հաշվով, իսկ Հենրիխ Մխիթարյանն «Արսենալի» մեկնարկային կազմում հանդես էր եկել առանց փոխարինման եւ 51-րդ րոպեին վաստակել էր 11 մետրանոց հարված, սակայն գաբոնցի հարձակվող Պյեր-Էմերիկ Օբամեյանգը չէր կարողացել անվրեպ իրացնել այն։

Օրեր առաջ «Արսենալն» Անգլիական լիգայի գավաթի խաղարկության եզրափակիչում առանց Հենրիխ Մխիթարյանի 0։3 հաշվով պարտվել էր «Մանչեսթեր Սիթիին»։