Զվարճալի դեպք ՀՀ ծանրամարտի առաջնությունում.ծանրորդը ծանրաձողով հասավ տրիբունա (տեսանյութ)

Հայաստանի ծանրամարտի տղամարդկանց 2018 թ. առաջնության ընթացքում զվարճալի դեպք տեղի ունեցավ: Երեկ՝ փետրվարի 22-ին, այդ դեպքի հերոսը 69 կգ քաշային Ռուստամ Կարապետյանն էր: Մոտեցումներից մեկի ժամանակ նա չկարողացավ ֆիքսել քաշը: Ծանրաձողով իջավ հարթակից, անցավ մրցավարին ու հասավ հանդիսատեսին:

Մրցավարը հասցրեց փախչել նրա առաջից, իսկ ահա առաջին շարքում նստած պատանին կարծես թե չէր նկատել՝ ինչ է կատարվում: Նա միայն վերջին պահին հասցրեց վեր կենալ նստած տեղից:

Ռուստամ Կարապետյանն արդյունքում արծաթե մեդալ նվաճեց: Նա երկամարտում գրանցեց 286 կգ արդյունք: